今日為大家介紹由美國研發的一款最新震動牙刷Be. ,目前市面上的震動牙刷都係需要電池/充電使用的,而Be.郤係一款無需要用任何電源都可以用到的震動牙刷!而且同一般電動牙刷一樣可以高頻率地清潔牙齒。
而秘密就在於牙刷內部的機械結構,使用時只需要先擠好牙膏,然後手動旋轉兩圈牙刷底部,牙刷就會好似上左齒輪咁將力道轉換至刷頭,就會開始震動了!而Be.可以連續運行約2分鐘。而Be本身附設有一個蓋,帶去旅行就非常方便了,亦唔使帶住任何供電設備。

Be.另一樣值得讚既地方係刷頭部份加入左活性炭元素,減少細菌滋生,而牙刷所有細節均採用可降解材料製作,係唔使用電既情況下連材料都為環保出一份力。
而目前Be. 已眾籌成功,今年年尾就會面世了!