戶外活動要帶既裝備好多，相機，手機，電筒，氣泵…咁到底要帶幾多個流動電源先夠應付咁多裝備呢?!
既然太陽能或手搖充電既流動電源已經面世，今日就同大家介紹最新充電方式—水能發電Enomad Uno!
 


Enomad Uno呈水樽形設計，打開蓋後可以再展開3面葉片，然後扣住條繩再將Enomad Uno丟入水中，當水流經過時就會令葉片轉動，產生電能。
或者將Enomad Uno縛係獨木舟/滑浪板或係游泳中既你既腳上，當移動時亦可以為Enomad Uno產生電能!

玩樂之餘又充到電，一舉兩得。而Enomad Uno內有5600mAh容量，係水中大約４小時可充滿電。
另仲設有LED燈罩配件，只需要換上即可夜晚當照明燈用，可以設置不同亮度仲可發出SOS閃光求救信號！