唔知大家有無同我同一個迷思, 就係點解答車係特別易訓著!即使本身好精神都好,一坐上車, 搖兩搖或者係經過隧道,就會即刻一秒訓著….比安眠藥更有效。

 而呢招唔只對大人, 連小朋友都非常受用! 有見及此, 汽車品牌福特唔只推出新車, 直情創新推出一款BB專用的車-模仿汽車移動感既Max Motor Dreams嬰兒床。

 

Max Motor Dreams嬰兒床可可模仿汽車移動中的持續輕晃、穩定低頻聲波、昏暗流動燈光。
 爸媽只要透過手機app記錄開車過程中行駛軌跡與聲音的數據,Max Motor Dreams嬰兒床墊即能在家模擬汽車內輕微舒緩的晃動,內建音頻系統播放引擎聲來製造穩定低頻噪音,同時柔和的LED燈光在床邊流動,來仿造夜晚車外的昏暗燈景。十足訓係車到一樣, 可以令寶寶安穩入眠。

 

從來都無諗過汽車可以同BB床二合為一成為育兒好物!
有左Max Motor Dreams嬰兒床, 爸爸媽媽唔使再半夜三更抱起扎醒既BB黎搖喇~
 而目前呢款設計仍在開發研究中, 尚未正式量產,想入手既朋友就要再等等喇!