新一年新開始,想減下肚腩,強身健體,對抗疫情 ?疫情嚴重又唔想去健身室 ?望住自己肥左幾個碼,真係欲哭無淚。

今次小編推介5款入門級健身器材,唔使健身教練,靠自己齊齊減肥 ! 

1. 懶人減肥神器| 升級智能燒脂呼拉圈 | Joy Jump  售$499

 

 

優點:如果你識玩呼拉圈,佢絕對係一個好選擇! 齋轉就減到肚腩,仲要$500都唔使就買到!佢採用左按摩頭+重力球雙重結合,達到燃燒腹部脂肪及按摩效果。

當你轉緊既時候,按摩頭既磁片會產生磁力,為腰部提供磁療按摩,搭配重力球,旋轉時為腰部增加負重,連腹部都可以做到負重訓練,一邊享受按摩,一邊達到減肚效果。

仲可以自行調節合適自己既腰圍尺寸,個個都啱用!

 

缺點:想要一件有哂全身健身既效果, 呼拉圈就唔係好啱你,因為佢主要針對肚腩。

 

簡單程度:4粒星

消脂程度: 3粒星

價錢: 5粒星

 

2. 入門級健身之選 |便攜式全方位健身器 | OYO Double Flex售$1,200

 

優點:身為一部便攜式健身器,佢只有2磅重,仲可以摺疊方便攜帶。最慳位就係佢,擺係櫃桶就OK。

仲可以訓練全身各個肌肉部位,包括:手臂、肩膀、胸、背部、腿部、核心肌肉等,做到高達197動作。有過百條片示範,俾你跟住做,唔使驚做錯動作或者唔識做。

 

缺點:最高只有25磅重力,想要更進一步訓練可能就唔夠用。

 

簡單程度:3粒星

消脂程度: 4粒星

價錢:4粒星

 

3. 蝸居之選 | 迷你可摺疊式8檔阻力健身單車 | M-Box 售$1,859

 

 

優點: 帶氧運動促進心肺功能,健身單車更係瘦腿之選。迷你size功能齊全,折疊後只有11cm*65cm*58cm,長方形扁身設計,擺係屋企角落位唔怕阻頂。

減肥最緊要堅持,佢有8檔阻力調節,俾你循序漸進,慢慢加強訓練強度。而且仲係靜音設計,唔怕嘈親人。

 

缺點:雖然好慳位,但前面無設計到扶手,踩得耐無得支撐,可能會攰啲。

 

簡單程度:5粒星

消脂程度: 4粒星

價錢:3粒星

 

4. 最迷你跑步機 |可摺疊家用跑步機 | KINGSMITH WalkingPad R1 | 售$3,488

 

 

優點: 跑步一直都係強身健體既首選,勝在唔需要技術同道具,堅持就消耗到熱量依家疫情底下,都唔敢出街跑步,如果有部跑步機係屋企就好啦!

推介你WalkingPad R1,3折折疊設計,無需組裝,用個時將佢打開,方便擺係屋企使用折疊後只有82cm*52cm*12cm,跑步機中最迷你,放係床底、隙縫位都可以。

仲設有安全夾+前手柄保障安全,攰個時又有得支撐下。同樣靜音設計,半夜跑步都唔怕俾人投訴!

 

缺點:價錢稍貴,打開都佔一定位置,屋企無咩活動空間既話,其他器材會更啱你。

 

簡單程度:5粒星

消脂程度: 5粒星

價錢:2粒星

 

5.小型Gym room 組合 | 啞鈴杆鈴壺鈴六合一旗覽套裝 | Feierdun|售$458.00-$1078 

 

 

優點: 去做gym,器材要排隊用,又唔知上一個用家有無中招,想健身姐,唔使提心吊膽既。

六合一套裝包含啞鈴、壺鈴、槓鈴及俯臥撐支架,一個小型Gym room,擁有四種模式,六個功能,可以訓練到全身所有肌肉。

唔使驚會好阻頂,拆除後體積非常細架! 鐵餅重量由10kg 到40kg都有,最多人揀既30kg都只係$868,出去做gym一年會費都唔止依個價!

 

缺點: 鐵餅重量+握桿長度係固定,無得調整,所以買既時候要諗清楚揀邊款。

 

簡單程度:3粒星

消脂程度: 4粒星

價錢:4粒星